Me likar Tina Fey – det er strengt talt vanskeleg å late vere. Innimellom alle dei andre prosjekta ho gjer etter at «30 Rock» var ferdig, skal ho òg gjere meir arbeid for Disney – som må vere nøgd med arbeidet hennar på den komande «Muppets»-filmen.
Ho skal nemleg spele i, og produsere, eit hittil ikkje namngitt hekseprosjekt for Disney, ifølgje Deadline. Med ein gong nyheita braut ut gjekk ryktet om at dette var ein oppfølgjar til 90-talskomedien «Hocus Pocus», men heldigvis verkar det som om Disney veit betre.
Bette Midler, Sarah Jessica Parker og Kathy Najimy er sikkert letta over – eller likegyldige til – at 1993-filmen får vere slik den alltid har vore:
I staden er Fey-prosjektet beskrive som ei overnaturleg komedie, meir i takt med «Ghostbusters» – utan at det er sagt noko spesielt om tone, handling eller andre skodespelarar enn Fey sjølv.
Medan me ventar på det, her er ein trailer for «Muppets: Most Wanted» som – i likskap med den førre «Muppets»-filmen – ikkje kjem på kino i Noreg.
